Reakshon riba e di kuater informe di implementashon 2024 di Boneiru

Riba 23 di yanüari 2025, Kolegio di supervishon finansiero di Boneiru, Sint Eustatius i Saba (Cft) a risibí e informe di implementashon (UR) di Boneiru tokante di e di kuater kuartal di 2024. Esaki ta nifiká ku e informe a ser entregá na tempu. Ku e karta aki, señor Soliano ta risibí e reakshon di Cft riba e di kuater UR. Konsiderando e echo ku ainda mester inkorporá un kantidat grandi di mutashon pa por yega na un imágen representativo di 2024, evaluashon di e informe no ta posibel. P'esei, e anekso usual ku splikashon mas detayá i supstansiashon ku sifra ta falta, pasobra un análisis di e sifranan entregá no tin balor agregá.