Raymond Gradus (Cft): “Enfoke di Sint Maarten mester ta pa pone e ekonomia bèk riba pia, traha pa balansá e presupuesto i yega na sosten di likides”

Kolegio di supervishon finansiero (Cft) a bishitá Sint Maarten di 25 pa 27 di yüni. Durante e bishita aki Cft a enfatisá e importansia di traha pa yega den un futuro serkano na un presupuesto balansá. Pa 2018 sinembargo un sosten di likides lo ta nesesario riba un término kòrtiku. Otro tópikonan di kòmbersashon tabata e nesesidat di mehorá e maneho finansiero, solushoná e problemanan kontínuo di IT i optené asistensia tékniko.