Señora Hellen van der Wal nombrá komo miembro di Kolegio di supervishon finansiero Aruba (CAft)

E sekretario aktual di Konseho di Konsulta di Aruba, Señora Hellen van der Wal, entrante 1 di oùgùstus 2018 lo tuma asiento den Kolegio di supervishon finansiero Aruba (CAft). El a keda postulá pa Aruba i e lo ta susesor di e aktual miembro Señor Robert Croes. For di e momento ei Señora van der Wal lo renunsiá su funshon di sekretario di Konseho di Konsulta. Señora Van der Wal ta trese kuné su amplio eksperensia den e aparato gubernamental i su ekspertisio hurídiko. Presidente Raymond Gradus: “Mi a siña konosé señora Van der Wal komo un profeshonal ku un kurason grandi pa e kousa Arubiano. Mi ta warda ku interes nos futuro kolaborashon den CAft”.