Presidente di Cft Raymond Gradus: “Bonaire no ta duna sufisiente kontenido na legislashon, un eskalashon ta menasá”

Kolegio di supervishon finansiero Bonaire, Sint Eustatius i Saba (Cft) a hasi un yamada na tantu Kolegio Ehekutivo komo Kolegio Insular pa nan demonstrá di ta mas desididu. Ya pa algun tempu kaba Cft a bin ta konstatá ku riba demasiado tereno Bonaire no ta kumpliendo ku e normanan stipulá den lei. Tambe repetidamente no a kumpli at all òf no sufisientemente ku palabrashonnan hasí ku e entidat públiko. “Si e situashon aki no mehorá, un konseho pa un instrukshon ta bira inevitabel”, asina presidente di Cft Raymond Gradus ta deklará.