Cft: “Progreso stabil ta rekerí riba vários tereno”

Kolegio di supervishon finansiero di Kòrsou i Sint Maarten ta pidi e gobièrnu interino enfátikamente pa realisá progreso riba vários tereno. E presupuesto 2020 mester keda aprobá mas lihé posibel. Ademas mester tuma medida pa kontrolá gastunan i mehorá kobransa di impuesto, pa hasi posibel pa por kompensá défisitnan anterior entrante aña 2021. Tambe ta importante pa mehorá e siklo di presupuesto i responsabilisashon i eliminá e retrasonan grandi den trahamentu i aprobamentu di kuentanan anual.