Cft: “Ehekushon rápido i desidido di reformanan struktural ta importante i determinante pa Kòrsou”

“Kòrsou mester ehekutá lihé i ku determinashon e reformanan ku mester fortifiká e pais den un forma duradero”, asina Kolegio di supervishon finansiero Kòrsou i Sint Maarten (Cft) ta deklará. E instrukshon ku Konseho di Minister di Reino a duna Kòrsou na yüli, kombiná ku ehekushon di e Strategia di Kresementu, ta brinda oportunidat pa kambia e rumbo na un manera sostenibel.