Cft tokante Bonaire: “Awor ta e momentu desisivo”

Bonaire kier yega na un deklarashon aprobatorio di akountent pa e kuenta anual di 2022. Den e Akuerdo di Gobernashon ku a sera resientemente esaki a keda inkluí tambe. Pa logra esaki, ainda ta nesesario pa tuma algun paso esensial den e próksimo lunanan, a resultá tambe for di e kòmbersashon ku Kolegio di supervishon finansiero (Cft) a hiba ku Kolegio Ehekutivo di Bonaire. Ta di importansia tambe pa promé ku fin di aña renobá e konvenio entre e Servisio di Impuesto di Hulanda Karibense (BCN) i Entidat Públiko Bonaire (OLB).