Cft: “Mas progreso ta nesesario den asuntunan ku pa basta tempu ta pendiente i tambe ku proyekto di presupuesto 2020”

Kolegio di supervishon finansiero (Cft) ta ripití un biaha mas ku Sint Maarten mester realisá mas progreso ku algun asuntu ku ta pendiente, manera reforma di pension, redukshon di gastunan di kuido médiko i reforma di servisio di impuesto. Apesar di e situashon polítiko aktual, e Kolegio ta enfatisá serka Sint Maarten pa ketu bai hasi tur loke ta posibel pa dal e pasonan nesesario i kuminsá e aña nobo ku un presupuesto aprobá.