Cft: “Kòntròl di gastu ta keda krusial”

Ekonomia di Kòrsou a rekuperá bon den e promé mitar aña di 2022. Kòrsou a redusí e défisit presupuestario den 2022 i ta presentá un presupuesto balansá den 2023. E rekuperashon di finansa públiko sinembargo ta frágil i bou di preshon ya ku kresementu ekonómiko ta menguando. Diferente inseguridat ekonómiko nobo i ekonomisashon i reforma ku ta keda atras den salubridat i seguro sosial ta forma riesgo riba término largu pa finansa públiko. Un bahada struktural di gastunan den sektor públiko, salubridat i seguro sosial, den kombinashon ku un maneho presupuestario estrikto, disiplina presupuestario i e reformanan den e Pakete Nashonal (Landspakket) ta esensial pa fortifiká rekuperashon di finansa públiko. Kolegio di supervishon finansiero di Kòrsou i Sint Maarten (Cft) a insistí riba e puntonan aki den e kombersashonnan resiente ku el a tene ku Gobièrnu di Kòrsou.