Cft: Aprobashon di presupuesto ta determinante pa progreso

Kolegio di supervishon finansiero (Cft) ta hasi un yamada na Sint Maarten pa aprobá e presupuesto di 2019, kual ya ta basta atrasá kaba. E aprobashon aki ta nesesario pa por optené fiansa, por ehèmpel, pa rekonstrukshon di e aeropuerto, i pa por kuminsá ku proyekto ku ta oumentá e entradanan di gobièrnu, manera reforma di Servisio di Impuesto i mehorashon di e maneho finansiero. E mensahe prinsipal di Cft durante e bishita aki ta: tradusí e plannan den akshon i resultado palpabel.