Cft: “Aprobá e presupuesto e aña aki ainda”

Sint Maarten a presentá un proyekto di presupuesto pa 2022 na Kolegio di supervishon finansiero Kòrsou i Sint Maarten (Cft) i konforme e Lei di Reino di supervishon finansiero (Rft), e mester aprobá esaki e aña aki ainda. Cft ta insistí pa prinsipalmente redusí gastu den e presupuesto i subi entrada, entre otro pa medio di mehoransa den kumplimentu ku deber di paga impuesto. Gobièrnu di Sint Maarten ta enfrentá retonan grandi, pero e por konta ku sosten di Hulanda i e fondo fidusiario pa ehekutá e reformanan nesesario i traha strukturalmente riba mehorashon.