Cft: ‘Kòrsou ta pará dilanti di un tarea formal’

E défisit di Kòrsou pa 2018 di ANG 53 mion ta menasá di oumentá, i yega na un nivel supstansialmente mas haltu ku e loke a keda premirá te resientemente. Ku mira riba kontratempu finansiero, e Kolegio di supervishon finansiero Kòrsou i Sint Maarten (Cft) ta tene kuenta ku un défisit di mas di ANG 100 mion pa 2019. Cft ta konstatá ku Kòrsou ta dal e pasonan pa mehorá kobransa di impuesto. Al mismo tiempo medidanan efektivo pa redusí gastu ketu bai no a tuma lugá. Redukshon di gastu ta nesesario i urgente, tantu pa baha e défisitnan kuantioso, komo pa manehá e riesgonan di e kantidat di divisa di Kòrsou, kual ta menguando.