Cft: “Cft ta apresiá e mihó prosesamentu di e riesgonan finansiero di CMC"

Kòrsou ta sigui e rekomendashon di Kolegio di supervishon finansiero Kòrsou i Sint Maarten (Cft) i ta reservá rekursonan adishonal den e proyekto presupuestario pa 2025 pa kompensá e eksplotashon defisitario di Curaçao Medical Center (CMC). Cft tin basta tempu ta urgi e pais pa inkorporá e riesgonan finansiero di e situashon finansiero delikado di e hospital den e presupuesto di pais di un manera korekto, i ta konsiderá e paso ku Gobièrnu di Kòrsou ta duna aktualmente ta algu positivo.