Cft a hasi bishita digital na Bonaire, Sint Eustatius i Saba

Kolegio di supervishon finansiero di Bonaire, Sint Eustatius i Saba (Cft) e siman aki a hiba kòmbersashon digital ku e Kolegionan Ehekutivo di Bonaire i Saba i ku e Komisario di Gobièrnu di Sint Eustatius i su reemplasante. Komo konsekuensia di e restrikshonnan di biahe, e bishitanan normal na e islanan no por a tuma lugá, meskos ku tabata e kaso na yüni tambe. Den e enkuentronan entre otro a deliberá tokante e konsekuensianan ekonómiko, finansiero i sosial di e pandemia di Coronavirus. Hulanda a pone disponibel kompensashon pa e bahada di entrada di e tres entidatnan públiko.