Cft: “Pone na òrdu maneho finansiero i aprobashon na tempu di presupuesto”

Gobièrnu di Sint Maarten ta pará dilanti di retonan grandi pa loke ta trata e presupuesto multioanual. E presupuesto pa e aña koriente 2021 ta mustra un défisit di aproksimadamente 20 porshento si Produkto Interno Bruto i te ainda e no a keda aprobá pa Gobernador. Sint Maarten lo mester traha energétikamente i sistemátikamente pa redusí e défisit presupuestario i pa krea un surplus. Di e forma ei por kumpli ku e normanan di Lei di Reino pa supervishion finansiero (Rft) i lo por kuminsá paga e debenan hopi haltu di e pais. Pa hasi e kuidomédiko i seguridat sosial sostenibel, reformanan struktural dirigí riba limitashon di gastu ta inevitabel. Kolegio di supervishon finansiero (Cft) atrobe ta urgi pa pone na òrdu e maneho finansiero i pa aprobá presupuestonan i kuentanan anual na tempu. Ta solamente di e manera aki gobièrnu i parlamento por haña nan kòntròl bèk.