Cft: “Usa rekuperashon ekonómiko pa pone presupuesto na òrdu”

E entradanan di impuesto di Sint Maarten ta kedando atras kompará ku e kresementu ekonómiko. Pa 2022, apesar di un kresementu ekonómiko real di 12 porshento, e pais ta premirá un défisit supstansial riba presupuesto. Cft ta insistí serka e pais pa e limitá su gastunan i hisa su entradanan di impuesto tumando medidanan pa mehorá kumplimentu ku impuesto (compliance). Por ehèmpel introdukshon di impuesto di casino i eliminashon di e eksonerashon di impuesto riba benta por ta bon paso den e proseso pa logra esaki.