CAft: “Mas lihé posibel mester tin un surplus den e presupuesto di Aruba”

Turismo di Aruba ta kresiendo fuertemente i ekonomia ta rekuperando mas mihó ku a spera. Pa un gobièrnu nobo redukshon di e debe públiko lo mester ta sentral. Pa logra esei e presupuesto di 2022 mester ta unu balansá i esun di 2023 mester tin un surplus di 1% di e PIB. Ta un hecho ku awor aki, na mitar di aña, ainda no a aprobá e presupuesto di 2021. Kolegio di supervishon finansiero di Aruba (CAft) ta pidi Aruba pa hasi esaki ainda mas pronto posibel i den e kuadro aki konsiderá si por redusí gastu.