CAft: Ekonomisashon struktural entre otro den gastu di personal ta nesesario pa por yega na finansa públiko sostenibel

Pa por yega na finansa públiko sostenibel, CAft ta konsehá pa bini ku ekonomisashon struktural den e presupuesto. Den e próksimo añanan e gastunan lo oumentá komo konsekuensia di oumento di interes i kompensashonnan pa disponibilidat di Public-Private Partnerships (PPP). Pa por logra redusí e kuota di debe, ta nesesario pa yega na surplus riba presupuesto den e próksimo añanan. Den e kuadro aki ta inevitabel pa strukturalmente redusí e gastunan di personal.