CAft: "Probechá surplus pa pone e base na òrdu"

Oranjestad – E añanan pasá, Aruba a logra surplusnan presupuestario konsiderabel, i a baha e ratio di debe. E desaroyonan aki ta positivo, sinembargo, Kolegio di supervishon finansiero di Aruba (CAft) ta enfatisá ku awor e pais mester probechá e oportunidat pa implementá reformanan i pa mehorá e kontrol di riesgonan. Esaki ta nesesario pa garantisá e finansas gubernamental i e resiliensia ekonómiko di e pais. E fundamentu bou di e kresementu ekonómiko espektakular ta frágil, pasobra pa gran parti e pais ta dependé di turismo.