CAft: "Utilisá e momentum aki pa hasi ekonomia mas robusto"

Ekonomia di Aruba ta kresiendo di forma próspero. E finansa públiko tambe ta mustra un imágen positivo. Importante ta pa Aruba usa e posishon finansiero aktual pa drecha finansa públiko strukturalmente i pa hasi e ekonomia mas robusto. Den e kuadro aki, un maneho presupuestario prudente ta sigui di e mésun importansia, konsiderando e gastunan di interes haltu. Reformanan struktural den e área di seguridat sosial i merkado laboral lo krea mas resiliensia.