CAft: “Aruba ainda no ta tumando sufisiente medida pa alkansá mehora sostenibel di finansa públiko”

Ainda no tin sufisiente bista riba mehora sostenibel di e finansa públiko di Aruba. A base di e di dos reportahe di ehekushon, Kolegio di supervishon finansiero Aruba (CAft) ta spera ku lo alkansá e norma di défisit palabrá pa aña presupuestario 2019, pero ta bai pa mas ku esei: den e protokòl di koperashon entre Aruba i Hulanda eksplísitamente ta stipulá ku e gastunan i entradanan ku ta forma e base di e sifranan, tambe mester kontribuí na finansa públiko sostenibel. Den e kuadro aki, e gastunan di personal mester keda denter di e norma palabrá di 479 mion florin.