Konseho tokante di e modifikashon di proyekto presupuestario 2024 di Kòrsou

Riba promé di mart 2024, Kolegio di supervishon finansiero Kòrsou i Sint Maarten (Cft) a huzga ku e presupuesto pa 2024 di Kòrsou no ta kumpli ku e normanan stipulá den artíkulo 15 di e Lei di Reino Supervishon Finansiero Kòrsou i Sint Maarten (Rijkswet financieel toezicht Curaçao en Sint Maarten – Rft). Cft a hasi seis rekomendashon pa kita e fayonan konstatá, i a konsehá Kòrsou pa inkorporá e rekomendashonnan aki den un modifikashon di proyekto presupuestario (OBW). Riba 14 di yüni 2024, Cft a risibí e OBW. Seguidamente, Cft a notifiká Konseho di Minister di Reino (Rijksministerraad – RMR) ku Kòrsou pa mayor parti ta duna forma na e rekomendashonnan hasí, pero ku ainda e presupuesto parsialmente no ta kumpli ku e normanan di artíkulo 15 di e Rft.