Reakshon riba e di kuater informe di implementashon 2023 di Entidat Públiko Boneiru

Riba 15 di febrüari 2024, Kolegio di supervishon finansiero di Boneiru, Sint Eustatius i Saba (Cft) a risibí e informe di implementashon (UR) di Boneiru tokante e di kuater kuartal di 2023. Enbirtut di e Lei di Finansas Entidat Públiko Boneiru, Sint Eustatius i Saba (Wet financiën openbare lichamen Bonaire, Sint Eustatius en Saba – Wet FinBES) mester a entregá e UR tokante di e di kuater kuartal pa mas tardá riba 29 di yanüari 2024. E di kuater UR no ta kontené modifikashon di presupuesto (BW). Ku e karta aki señor Oleana ta risibí e reakshon di Cft tokante di e UR aki.1 Den anekso 1 di e karta aki ta haña un splikashon mas detayá i un supstansiashon ku sifra di e reakshon aki.