20231206 Reakshon riba e di tres rapòrt di implementashon 2023

Riba 22 di novèmber 2023, Kolegio di supervishon finansiero di Kòrsou i Sint Maarten (Cft) a risibí e rapòrt di implementashon (UR) di Kòrsou tokante di e di tres kuartal di 2023. Enbirtut di e Lei di Reino Supervishon Finansiero Kòrsou i Sint Maarten (Rijkswet financieel toezicht Curaçao en Sint Maarten – Rft) mester a entregá e UR aki pa mas tardá riba 13 di novèmber 2023.1 Cft ta pidi boso pa den futuro kumpli ku e plaso legal preskribí den e Rft. Ku e karta aki señor Silvania ta risibí e reakshon di Cft tokante di e di tres UR.