Stipulacion presupuesto 2025 y modificacion di impuesto riba salario y impuesto riba entrada

Riba 17 di juni 2024, Colegio di supervision financiero di Aruba (CAft) a duna conseho tocante di e proyecto presupuestario (OB) 2025 di Aruba. Conforme e Ordenanza Nacional di supervision financiero di Aruba (Landsverordening Aruba financieel toezicht – Laft) mester a stipula e presupuesto pa 2025 pa mas tarda riba 15 di december 2024, of en todo caso mester tawatin un perspectiva di stipulacion riba termino cortico. Sin embargo, na e momento aki no ta cla ki dia e stipulacion aki lo tuma luga. Esaki ta preocupa CAft, pasobra e falta di un presupuesto stipula no ta toca solamente e derecho presupuestario di Parlamento, sino e por tin otro consecuencianan negativo, manera e imposibilidad di drenta den compromisonan nobo.