A renombra Hans Hoogervorst y Julisa Frans como miembro di Cft

Ta renombra tanto señor Hans Hoogervorst como señora Julisa Frans pa un di dos termino cerca e Colegionan di supervision financiero. Riba 29 di november 2024, Conseho di Minister di Reino a aproba nan renombramento. Entrante prome di januari 2025, riba proposicion di Hulanda, a renombra Hans Hoogervorst como miembro di Colegio di supervision financiero Corsou y Sint Maarten (Cft), Cft Boneiro, Sint Eustatius y Saba (Cft BES) – e renombramento aki a tuma loga den Conseho di Minister - y Colegio di supervision financiero di Aruba (CAft) pa un termino di tres aña. Entrante e mesun fecha, ta renombra señora Julisa Frans pa e Colegio di supervision financiero Corsou y Sint Maarten (Cft), tambe pa un termino di tres aña. E renombramento di señora Frans ta riba proposicion di Sint Maarten. E renombramentonan lo tuma luga pa Decreto Real.