Cft: Mester di medida concreto pa recuperacion financiero

Hopi reto pa evita aumento insostenibel di debe. Sint Maarten a presenta recientemente su Plan di Recuperacion Financiero. Segun e plan ey lo logra surplus presupuestario door di aumento di e entradanan for di 2021. Colegio di supervision financiero di Corsou y Sint Maarten (Cft) a pidi Sint Maarten pa tuma medida concreto di tal forma cu berdaderamente lo realisa e surplusnan planea. Teniendo cuenta cu e estado deficiente di e maneho financiero, Cft a yega na un palabracion cu Sint Maarten cu lo traha pa logra un declaracion aprobatorio di accountant hunto cu e cuenta anual di 2021.