Cft tocante di Boneiro: “Awor mester lora mang’i camisa”

Boneiro kier yega na un declaracion aprobatorio di accountant pa e cuenta anual di 2022. A inclui esaki tambe den e Acuerdo di Gobernacion cu a cera recientemente. Pa realisa esaki, ainda ta necesario tuma algun paso esencial den e proximo lunanan, asina a sali na cla tambe den e combersacion cu Colegio di supervision financiero (Cft) a hiba cu Colegio Ehecutivo di Boneiro. Tambe ta di importancia pa renoba e convenio entre Servicio di Impuesto di Hulanda Caribense (BCN) y Entidad Publico Boneiro (OLB) prome cu fin di aña.