Cft: “Mester aproba presupuesto e aña aki mes ainda”

Sint Maarten a entrega Colegio di supervision financiero di Corsou y Sint Maarten (Cft) un proyecto di presupuesto pa 2022 y, di acuerdo cu e Ley di Reino di supervision financiero (Rft), mester aprob’e e aña aki mes ainda. Cft ta urgi Gobierno particularmente pa limita e gastonan y aumenta e entradanan, entre otro door di mehoracion di cumplimento cu e obligacionnan fiscal. Gobierno di Sint Maarten ta para dilanti di retonan grandi, pero cu sosten di Hulanda y di e Fondo Fiduciario por realisa e reformanan tan necesario y traha structuralmente na e mehoracionnan.