CAft: “Probecha e recuperacion economico pa trece ordo den finansa publico”

E economia di Aruba ta mustra di tin un recuperacion rapido. E expectativa ta cu turismo e aña aki ta bolbe na su nivel anterior prome cu e periodo di Corona virus. Ta necesario pa Aruba tuma awo e medidanan pa reduci drasticamente e deficit significativo den 2022 y logra un surplus pa aña 2023. Esaki ta necesario pa reduci e debe publico, cu na final di aña 2021 tabata na AWG 5,7 miyar. E reduccion di gastonan di Gobierno y e reformanan cu lo aumenta e potencial di crecemento di e economia, ta esencial. Muy particularmente mester bini cu medidanan structura pa reduci e gastonan di personal.